VisôrAtivitâts

Deskbar:		Applications
Posizion:		/boot/system/apps/ActivityMonitor
Impostazions:		~/config/settings/ActivityMonitor settings

Tu puedis tignî di voli lis risorsis di sisteme inviant il VisôrAtivitâts e ativant i varis elements che ti interessin.

Fasint clic diestri sul barcon si pues decidi la visualizazion des variis risorsis:
Memorie doprade/Cache, Spazi memorie di scambi, CPU doprade, Rêt Ricezion/Inviament, Erôrs di Pagjine, Semafars, Puartis, Thread, Team, Aplicazions in esecuzion, Dimension notis gresis/test, Grops Multimediâi.

Sot dal grafic e je une liende (che si pues platâ dal menù contestuâl). Tu puedis cambiâ i colôrs e chel dal fonts dal grafic strissinant e molant il colôr di cualsisei seletôr di colôrs, p.e. di Icon-O-Matic.

Tu puedis zontâ plui viodudis dal menù File se si jemple masse.

Il menù Impostazions al vierç un panel par stabilî la dade di timp pal inzornament, che in pratiche e je trop svelt che il grafic al à di scori. Tu puedis ancje doprâ la rudiele dal mouse sul grafic par cambiâ in maniere temporanie la velocitât.

Ogni viodude e à la sô mantie pal Replicant e duncje e pues jessi fissade, par esempli, sul Scritori.